ပြည်သူ့လွှတ်တော် နိုင်ငံတကာဆက်ဆံရေးကော်မတီ ဥက္ကဋ္ဌ ဦးဇော်သိန်း ပြည်ထောင်စုသမ္မတ မြန်မာနိုင်ငံဆိုင်ရာ ဥရောပပါလီမန် (MEP) မှ အဖွဲ့ဝင် Mr. Judith Sargentini နှင့်အဖွဲ့အား လက်ခံတွေ့ဆုံ

ပြည်သူ့လွှတ်တော် နိုင်ငံတကာဆက်ဆံရေးကော်မတီ ဥက္ကဋ္ဌ ဦးဇော်သိန်း သည် ပြည်ထောင်စုသမ္မတ မြန်မာနိုင်ငံဆိုင်ရာ ဥရောပပါလီမန်(MEP) မှ အဖွဲ့ဝင် Mr. Judith Sargentini နှင့်အဖွဲ့အား ယနေ့ ညနေ (၁၆း၀၀) နာရီအချိန်တွင်  နေပြည်တော်ရှိ လွှတ်တော်အဆောက်အအုံ ရေးရာဆောင် အဆောင်အမှတ် (I-5) ဧည့်ခန်းမ၌ လက်ခံတွေ့ဆုံသည်။

ထိုသို့တွေ့ဆုံရာတွင် ဥရောပသမဂ္ဂပါလီမန်နှင့် ပြည်ထောင်စုလွှတ်တော်တို့ အတွေ့အကြုံဖလှယ်ရေး၊ လွှတ်တော်ပြက္ခဒိန်ထားရှိရေး၊လွှတ်တော်ကိုယ်စားလှယ်များနှင့် လွှတ်တော်ကြီး၏ စွမ်းအင်မြှင့်တင်ရေး ကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ကြသည်။

အဆိုပါ တွေ့ဆုံဆွေးနွေးပွဲသို့ ပြည်သူ့လွှတ်တော် နိုင်ငံတကာဆက်ဆံရေး ကော်မတီအဖွဲ့ဝင် ဒေါ်ပြုံးကေသီနိုင်နှင့် ပြည်သူ့လွှတ်တော်ရုံးမှ တာဝန်ရှိသူများ တက်ရောက်ကြသည်။

၂၀၁၆ ခုနှစ် မေလ ၁၇ ရက်