ပြည်သူ့လွှတ်တော် လျှပ်စစ်နှင့်စွမ်းအင် ဖွံ့ဖြိုးတိုးတက်ရေးကော်မတီ ဥက္ကဋ္ဌ ဦးကြည်မိုးနိုင် Aggreko International Project Limited အဖွဲ့အား ယနေ့ မွန်းလွဲ (၁) နာရီအချိန်တွင် နေပြည်တော်ရှိ လွှတ်တော်ရေးရာဆောင် အဆောင်အမှတ် (I-8) အစည်းအဝေးခန်းမ၌ လက်ခံတွေ့ဆုံသည်။
ထိုသို့တွေ့ဆုံရာတွင် Aggreko ကုမ္ပဏီအနေဖြင့် မြန်မာနိုင်ငံတွင် လက်ရှိဆောင်ရွက် လျက်ရှိသော လျှပ်စစ်ဓာတ်အား ထုတ်လုပ်နေမှုများ၊ လျှပ်စစ်ဓာတ်အား ထုတ်လုပ်မှုဆိုင်ရာ နည်းပညာရပ်များ၊ စွမ်းအင်အသုံးချမှု ကိစ္စရပ်များနှင့် စပ်လျဉ်းပြီး ရင်းနှီးပွင့်လင်းစွာ ဆွေးနွေး ခဲ့ကြသည်။
အဆိုပါ တွေ့ဆုံပွဲသို့ လျှပ်စစ်နှင့်စွမ်းအင် ဖွံ့ဖြိုးတိုးတက်ရေးကော်မတီ ဥက္ကဋ္ဌနှင့်အတူ ကော်မတီ အဖွဲ့ဝင်များ တက်ရောက်ခဲ့ကြသည်။
၂၀၁၆ ခုနှစ် မေလ ၁၂ ရက်
Standard (Image)