ပြည်သူ့လွှတ်တော်၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဆိုင်ရာကော်မတီ ဥက္ကဋ္ဌ ဦးစိုးသူရထွန်း နှင့် ကော်မတီအဖွဲ့ဝင်များဖြစ်ကြသော ဦးမင်းနောင်၊ ဦးသက်နောင် တို့သည် Environmental Investigation Agency (EIA) အဖွဲ့အား ယနေ့ မွန်းလွဲ ၁၂ နာရီ် ၄၅ မိနစ်တွင် နေပြည်တော်ရှိ လွှတ်တော်အဆောက်အဦ ရေးရာဆောင်အမှတ် (I-10) အစည်းအဝေးခန်းမ၌ လက်ခံတွေ့ဆုံသည်။
ထိုသို့တွေ့ဆုံရာတွင် ပြည်ပနိုင်ငံများနှင့်ပူးပေါင်း၍ သစ်အချောထည်ထုတ်လုပ်ရေး ဆောင်ရွက်ရာတွင် အလေးအနက်ထား ထည့်သွင်းစဉ်းစားရမည့် ကိစ္စရပ်များ၊ မျိုးသုန်းပျောက်ကွယ်တော့မည့် တောရိုင်းတိရိစ္ဆာန်များနှင့် သဘာဝအပင်များဆိုင်ရာ နိုင်ငံတကာကူးသန်းရောင်းဝယ်မှုကွန်ဗင်းရှင်း (CITES) နှင့်စပ်လျဉ်းသည့် အချက်အလက်များ၊ တနင်္သာရီဒေသ ဆီအုန်းစိုက်ခင်းများနှင့် ပတ်သက်ပြီး ကြုံတွေ့နေရသည့် အခက်အခဲများနှင့်စပ်လျဉ်း၍ ဒေသခံပြည်သူတို့အတွက် ထည့်သွင်းစဉ်းစားသင့်သည့် အခြေအနေများကို အလေးထားဆွေးနွေးခဲ့ကြသည်။
၂၀၁၆ ခုနှစ်၊ ဒီဇင်ဘာလ ၂ ရက်