(က)-ခန္တီးမြို့နယ်တွင်ပါရှိသော ပါးရိုကျေးရွာကျေး လက်ကျန်းမာရေးဌာနကိုပါးရိုကျေးရွာတိုက်နယ်ဆေး ရုံအဆင့်သို့ တိုးမြှင့်ဖွင့်လှစ်ပေးနိုင်ခြင်း ရှိ၊ မရှိ နှင့် စပ်လျဉ်းသည့် မေးခွန်း

မိမိတို့ ပြန်လည်ကြည့်ရှုရာတွင် Rural Health Center ကျေးလက်ကျန်းမာရေးပိုင်မှာ ကျေးရွာ ၁၇ ရွာ၊ အိမ်ခြေ ၆၁၁ အိမ်၊ လူဦးရေ ၄၄၀၀ ရှိပါကြောင်း၊ Station Hospital လုပ်မည်ဆိုပါက  အနည်းဆုံး လူဦးရေ တစ်သောင်းမှ တစ်သောင်းငါးထောင်ရှိပြီး သွားလာရေးလွယ်ကူပြီး အနီးအနားရှိ  ကျေးလက်ကျန်းမာရေးဌာနခွဲကလူများလည်း Station Hospital ကို သွားလာရေး လွယ်ကူရန်လည်း လိုအပ်ပါကြောင်း၊ ထို့အပြင် Station Hospital ကနေပြီး မြို့နယ်ဆေးရုံကိုသွားရန်လည်း လွယ်ကူဖို့ လိုအပ်ပါကြောင်း၊ ကျန်အချက်များရှိသော်လည်း လူဦးရေက ၄၄၀၀ သာရှိသည့်အတွက် ၄၄၀၀ ရှိသည့်လူဦးရေကို မိမိတို့အနေဖြင့် ဆေးရုံတစ်ရုံ သတ်မှတ်ပေးမည်ဆိုပါက  ကျန်းမာရေးဝန်ကြီးဌာန၏ ဘတ်ဂျက်အင်အား၊ လူအင်အား၊ ငွေအင်အားနှင့် အဆင်မပြေပါကြောင်း၊ သို့သော် မိမိတို့ ပြန်လေ့လာရာတွင် ကျေးလက်ကျန်းမာရေးဌာနမှာ ဖားဆောင်း၊ ကျောက်ရွဲ့၊ ဟိတ်ထိ၊ ဆောင်းလင်း၊ ခမောင်းတို့တွင် ဌာနခွဲ(၅)ခု ရှိပါကြောင်း၊ Sub-center (၅)ခု၏ Sub-center တစ်ခုမှာ Mid-Point တစ်ယောက်ရှိရပါကြောင်း၊ Pageant  Tool ပြည်သူ့ကျန်းမာရေး ကြီးကြပ်(၂)ရှိ တစ်ယောက်စီ ရှိရမည်ဖြစ်သော်လည်း ထိုကျန်းမာရေးဌာနခွဲတို့တွင် မရှိသည်ကို တွေ့ရပါကြောင်း၊ သူနာပြု ၂ ဦး၊ Pageant  Tool ၅ ဦး လစ်လပ်နေပါကြောင်း၊

သို့သော်လည်း အခုနှစ် ဘတ်ဂျက် မတ်လ ၃၁ ရက် မတိုင်ခင် Mid-Point ၁၉၅၉ ယောက် ခန့်ထားရန် ရှိပါကြောင်း၊ Pageant  Tool ကျန်းမာရေးကြီးကြပ် ၃၀၀၀ ခန့်ရန် ရှိပါသဖြင့် ပါးရိုကျေးရွာအောက်ရှိ ကျေးလက်ကျန်းမာရေးဌာနခွဲများကို မိမိတို့ ခန့်ထားပေးမည်ဖြစ်ပါကြောင်း၊ ထို့အပြင် ပါးရိုရှိ ကျေးလက်ကျန်းမာရေးဌာနတွင် Mid-Point ရှိသော်လည်း Patient Tool ကျန်းမာရေးကြီးကြပ်(၂)က ၂ ဦးလစ်လပ်နေသည်ကိုလည်း မိမိတို့အနေဖြင့် ခန့်ထားပေးမည်ဖြစ်ပါကြောင်း၊ ထို့အပြင် Rural Health Center ကျေးလက်ကျန်းမာရေး ဌာနခွဲတွင် စမ်းသပ်ကိရိယာများပေးရာ မရှိပါက မိမိတို့အနေဖြင့် အမြန်ဆုံးပေးမည်ဖြစ်ပါကြောင်း၊ ထို့အပြင် Rural Health Center ကို ကျေးလက်ကျန်းမာရေးဌာနကို Rural Health Center Case ဟူ၍ ပေးပါကြောင်း၊ ၂၇ မျိုးပါပါကြောင်း၊ Rural Health Center Case များကို အသစ်ဖွင့်သည့် RHC များတွင် မိမိတို့က ပေးပါကြောင်း၊ သို့သော် ပါးရိုအနေဖြင့် သွားလာရေးလည်းခက်ခဲသည့်အတွက် Rural Health Center Case ကိုလည်း ဆက်လက်ပြီး ရရှိစေရန် မိမိတို့ စီစဉ်ပေးမည်ဖြစ်ပါကြောင်း၊ ယခုလောလောဆယ်တွင် အခြေအနေအရ တိုးပေးရန် မလွယ်သော်လည်း အခြေအနေအားလုံးကို လေ့လာသုံးသပ်နေပါကြောင်း၊ ပြီးခဲ့သည့်လက မိမိတို့ လဟယ်၊ ခန္တီး၊ နန်းယွန်းကို နိုင်ငံတော်သမ္မတကြီးနှင့်လည်း မိမိ ရောက်ရှိခဲ့ပြီး အခက်အခဲများရှိသည်ကို နားလည်ပါကြောင်း၊ ထို့ကြောင့် ကျေးလက်ကျန်းမာရေးဌာနနှင့် ဌာနခွဲ များတွင် လူအင်အားကို လုံးဝဖြည့်ပေးပြီး လိုအပ်သည့် ပစ္စည်း၊ ဆေးကိရိယာအားလုံးကိုလည်း ဖြည့်ပေးမည်ဖြစ်ပါကြောင်း ရှင်းလင်းဖြေကြားပါသည်။