(ဂ)-လျှပ်စစ်ကဏ္ဍ အရှုံးဖြစ်ပေါ်နေမှု၊ ဒီဇယ်အင် ဂျင်သုံး မြို့ရွာများတွင် ဓာတ်အားလိုင်းဖြင့် အစား ထိုး ဆောင်ရွက်မှုနှင့် အစိုးရသစ် (၅)နှစ် အတွင်း လျှပ်စစ်ကဏ္ဍ ဖွံ့ဖြိုးတိုးတက်လာရေး ဆောင်ရွက် မည့် အစီအစဉ် တို့နှင့် စပ်လျဉ်းသည့် မေးခွန်း

လျှပ်စစ်ကဏ္ဍတွင် အရှုံးဖြစ်ပေါ်မှုနှင့်ပတ်သက်ပြီး ဓာတ်အားပျောက်ဆုံးမှုကြောင့် ဖြစ်ပေါ်သည့် ကိစ္စတွင် ကိစ္စနှစ်ခုရှိပါကြောင်း၊ ဓာတ်အားပျောက်ဆုံးမှုလျော့နည်းရေးအတွက် ယခင် တည်‌ဆောက်ခဲ့ သည့် အရွယ်အစားသေးငယ်သောဓာတ်ကြိုးများကို အရွယ်အစားကြီးသည့်ဓာတ်ကြိုး များနှင့် လဲလှယ်ခြင်းအားဖြင့်လည်းကောင်း၊ ဓာတ်အားလိုင်းနှင့် မလွတ်ကင်းသည့်သစ်ပင်၊ သစ်ကိုင်းများ ရှင်းလင်းခြင်းနှင့် ဓာတ်အားလိုင်းဓာတ်အားခွဲရုံများ ချိတ်ဆက်မှုပိုမိုကောင်းမွန်အောင် ပြုပြင်ခြင်း၊ Analogue Meter များအစား Digital Meter များဖြင့် ပြောင်းလဲတပ်ဆင်ခြင်းလုပ်ငန်းများကို ဆောင်ရွက်လျက်ရှိပါကြောင်း၊ နည်းပညာပိုင်းဆိုင်ရာနှင့်ဆက်နွှယ်မှုမရှိသည့် ဓာတ်အားပျောက်ဆုံးမှု လျော့နည်းရေးနှင့်ပတ်သက်ပြီး ဓာတ်အားခိုးယူသုံးစွဲမှုများလျော့နည်းရေးနှင့် မသမာမှုများ ပပျောက်ရေးအတွက် စဉ်ဆက်မပြတ်စစ်ဆေးဆောင်ရွက်ကာ အရေးယူဒဏ်ရိုက် အပြစ်ပေးလျက် ရှိပါကြောင်း၊

လက်ရှိ ဓာတ်အားခကို အလွှာနှုန်းများဖြင့် ကောက်ခံလျက်ရှိပြီး အိမ်သုံးဓာတ်အား သုံးခ၊ စက်မှုသုံး ဓာတ်အားခများကို ကောက်ခံရာတွင် နိုင်ငံတော်မှ စိုက်ထုတ်ကျခံရသည့်စနစ်သည် ရေရှည်တွင် သင့်လျော်ခြင်းမရှိသည့်အတွက် ပိုမိုသင့်လျော်သည့်ဓာတ်အားခနှုန်းထားတစ်ခု ပြင်ဆင်ပြောင်းလဲ နိုင်ရေးအတွက တွက်ချက်စိစစ်လျက်ရှိပါကြောင်း၊ ၂၀၁၇ ခုနှစ် ဇွန်လအထိ တစ်နိုင်ငံလုံး ဓာတ်အားစနစ်မှ ဓာတ်အားပေးနိုင်သည့် မြို့နှင့်ကျေးရွာအရေအတွက်များမှ မြို့ပေါင်း ၃၀၅ မြို့ဖြစ်ပြီး ကျေးရွာအရေအတွက် ၁၀၉၅၇ ရွာဖြစ်ပါကြောင်း၊ ဒီဇယ်မီးစက်ဖြင့် ဓာတ်အားဖြန့်ဖြူးပေးလျက်ရှိသည့် မြို့အရေအတွက် ၉၉ မြို့နှင့် ကျေးရွာအရေအတွက် ၁၂၉ ရွာ ရှိပါကြောင်း၊ လက်ရှိဓာတ်အားစနစ် မရောက်ရှိသေးသည့် အဆိုပါမြို့နှင့် ကျေးရွာများ လျှပ်စစ်ဓာတ်အား ရရှိနိုင်ရန် အတွက် ဒီဇယ်ဆီကို အသုံးပြုပြီး မီးစက်များဖြင့် ဓာတ်အားပေးခဲ့ရခြင်း ဖြစ်ပါကြောင်း၊ ဓာတ်အားစနစ်မှ ဓာတ်အားလိုင်းများ တိုးချဲ့တည်ဆောက်ခြင်းနှင်‌့ ဓာတ်အားပေးစက်ရုံများ  စဉ်ဆက်မပြတ် နှစ်စဉ် တိုးချဲ့တည်ဆောက် ခြင်းများ ကို ဝန်ကြီးဌာနမှ ဆောင်ရွက်လျက်ရှိပြီး ၂၀၁၁-၁၂ ဘဏ္ဍာရေးနှစ်တွင် တစ်နိုင်ငံလုံး၏ ၂၂ ရာခိုင်နှုန်း မှ ၂၀၁၂-၁၃ ဘဏ္ဍာရေးနှစ်တွင် ၂၄ ရာခိုင်နှုန်းအထိလည်းကောင်း၊ ၂၀၁၃-၁၄ ဘဏ္ဍာရေး နှစ် တွင် ၂၆.၇ ရာခိုင်နှုန်း၊ ၂၀၁၄-၁၅ ဘဏ္ဍာရေးနှစ် တွင် ၂၉.၉ ရာခိုင်နှုန်း ၊ ၂၀၁၅-၁၆ ဘဏ္ဍာရေး နှစ်တွင် ၃၅ ရာခိုင်နှုန်း၊ ၂၀၁၆-၁၇ ဘဏ္ဍာရေးနှစ်တွင် ၃၈ ရာခိုင်နှုန်းနှင့် ယခု ၂၀၁၇ ခုနှစ် ဇွန်လအထိမှာ တစ်နိုင်ငံလုံး၏ ၃၈.၅ ရာခိုင်နှုန်းအထိကို ဓာတ်အားစနစ်မှ တိုးချဲ့ပြီး  ဆောင်ရွက်ပေး လျက်ရှိပါကြောင်း၊

၂၀၁၆-၁၇ ဘဏ္ဍာရေးနှစ်မှ ၂၀၁၇ ခုနှစ် ဇွန်လအတွင်း မူလ ဒီဇယ်ဓာတ်အား ပေးစက်နှင့် ဓာတ်အားဖြန့်ဖြူးပေးနေသည့် မြို့ ၂၂ မြို့နှင့် ကျေးရွာ ၁၁ ရွာကို ဓာတ်အားစနစ်မှ ၂၄ နာရီ ဓာတ်အားဖြန့်ဖြူးပေးနိုင်ရန် ပြောင်းလဲဆောင်ရွက်ပေးနိုင်ခဲ့ပါကြောင်း၊  ဓာတ်အားရရှိသည့် ကျေးရွာ များ မှ မလိုအပ်တော့သည့် ဒီဇယ်မီးစက်များကို ပြောင်းရွှေ့နေရာချ ထားပြီးဓာတ်အားပေး သည့်  အတွက် ဒီဇယ်မီးစက်နှင့်မီးပေးသည့်မြို့နှင့် ကျေးရွာအရေအတွက်များသည် တစ်နှစ်ထက်တစ်နှစ် လျော့ကျ သွားသည်မဟုတ်ဘဲ နေရာပြောင်းရွှေ့တိုးချဲ့ဓာတ်အားပေးသည့်အတွက် ဓာတ်အားစနစ်မှ ဓာတ်အားရရှိသည့်မြို့များ၊ ကျေးရွာများအရေအတွက် တိုးပွားလာသကဲ့သို့ ဒီဇယ် မီးစက်နှင့် ပေးနေသည့်မြို့နှင့် ကျေးရွာအရေအတွက်များလည်း ဆက်လက်တည်ရှိနေသည်ဖြစ်ပါကြောင်း၊

၂၀၁၇-၁၈ ဘဏ္ဍာရေးနှစ်မှ ၂၀၂၁-၂၂ ဘဏ္ဍာရေးနှစ် ငါးနှစ်အတွင်း ဒီဇယ်မီးစက် နှင့် ဓာတ်အား ပေးနေသည့် မြို့ ၆၆ မြို့နှင့် ကျေးရွာ ၂၉ ရွာကို ဓာတ်အားစနစ်မှ ပြောင်းလဲပြီး ဓာတ်အားပေးနိုင်ရန် ဆောင်ရွက်သွားမည်ဖြစ်ပါကြောင်း၊ တစ်နိုင်ငံလုံး ဓာတ်အားရရှိရေးအတွက် ကမ္ဘာ့ဘဏ်၏ချေးငွေနှင့် ဆောင်ရွက်မည့် NEP စီမံကိန်း အဆင့်လေးဆင့်တွင် ကျေးရွာပေါင်း ၅၀၈၀ ရွာကို ပထမအဆင့်အတွင်း ဓာတ်အားစနစ်မှ ဓာတ်အားရရှိအောင် ဆောင်ရွက်သွား မည့်အစီအစဉ်ကို ဝန်ကြီးဌာနမှ ဆောင်ရွက်လျက်ရှိပါကြောင်း၊

ဂျာမနီနိုင်ငံ KfW ချေးငွေနှင့် အထောက်အပံ့ကို ပြည်ထောင်စုလွှတ်တော်၏ အတည်ပြုချက် ရရှိပြီး ရှမ်းပြည်နယ်(တောင်ပိုင်း)တွင်ရှိသည့် ကျေးရွာ ၄၁၆ ရွာ လျှပ်စစ်ကို Grid မှ ဓာတ်အား ရရှိရေး အတွက် ဆောင်ရွက်သွားမည်ဖြစ်ပြီး အိမ်ထောင်စု ၃၀၀၀၀ ကျော်နှင့် လူဦးရေ ၁၄၀၀၀၀ ကျော် ဓာတ်အား ရရှိမည်ဖြစ်ပါကြောင်း၊  လျှပ်စစ် ဓာတ်အားတိုး တက်ထုတ်လုပ်နိုင်ရေး အတွက်ကို ယခု ငါးနှစ်ကာလအတွင်းမှာ သဘာဝဓာတ်ငွေ့ကို အသုံးပြု၍ လျှပ်စစ်ဓာတ်အားပေးစက်ရုံများ တိုးချဲ့ တည်ဆောက်ခြင်း၊ ရေအားလျှပ်စစ်ဓာတ်အားပေး စက်ရုံများ တိုးချဲ့တည်ဆောက်ခြင်းများ ကိုလည်း နှစ်အလိုက် ဆောင်ရွက်သွားမှာဖြစ်ပြီး ငါးနှစ်တာကာလ ယခုနှစ်အတွင်း မဂ္ဂါဝပ် ၅၀၀၀ အထိ ဓာတ်အားပေးနိုင်ရန် စီစဉ် ဆောင်ရွက်လျက်ရှိပါကြောင်း ဖြေကြားပါသည်။