(က)-စဉ့်ကိုင်မြို့နယ်၊ ရွှေလှံဗိုလ် (ကန်အောက်) ကျေးရွာတွင် တိုက်နယ်ဆေးရုံအသစ် ဖွင့်လှစ်ပေး ရန် အစီအစဉ် ရှိ/မရှိ နှင့်စပ်လျဉ်းသည့် မေးခွန်း

မန္တလေးတိုင်းဒေသကြီး၊ စဉ့်ကိုင်မြို့နယ်သည် လူဦးရေ ၁၅၀၀၀၀ ခန့်ရှိပြီး ခုတင် ၅၀ ဆံံ့ စဉ့်ကိုင်မြို့နယ် ပြည်သူ့ဆေးရုံ၊ ခုတင် ၅၀ ဆံ့ စဉ့်ကိုက်မျက်စိအထူးကုဆေးရုံ၊ ပုလိပ်တိုက်နယ်ဆေးရုံ စုစုပေါင်း ဆေးရုံသုံးရုံဖွင်‌့လှစ်ထားပြီးဖြစ်ပါကြောင်း၊ ရွှေလှံဗိုလ်(ကန်အောက်)ကျေးရွာသည် စဉ့်ကိုင်မြို့ အရှေ့ဘက်ခြမ်းတွင်တည်ရှိပြီး ပြင်ဦးလွင်-ကျောက်ဆည်ခရိုင်ချင်းဆက် လမ်းမကြီး ပေါ်တွင် တည်ရှိပြီး ရွှေလှံဗိုလ်(ကန်အောက်)ကျေးရွာတွင် ရွှေဘိုကျေးလက်ကျန်းမာရေးဌာန၊ နတ်ရေကန် ကျေးလက်ကျန်းမာရေးဌာနခွဲ အောက်တွင် တည်ရှိသော ကျေးရွာတစ်ရွာသာ ဖြစ်ပါကြောင်း၊  ‌ရွှေဘိုကျေးလက်ကျန်းမာရေးဌာနမှ ရွာ ၂၉ ရွာ၊ လူဦးရေ ၂၄၀၀၀ ခန့်၊ နတ်ရေကန် ကျေးလက်ကျန်းမာရေးဌာနခွဲအောက်တွင် ကိုးရွာကိုတာဝန်ယူထားပါကြောင်း၊ ရွှေလှံဗိုလ် (ကန်အောက်)ကျေးရွာတွင် လူဦးရေ ၇၆၉ ဦး၊ အိမ်ခြေ ၁၄၇ အိမ်ရှိပါကြောင်း၊ စဉ့်ကိုင်မြို့နယ်၊  ခုတင် ၅၀ ဆံ့ ဆေးရုံ နှင့် ၁၆ မိုင်ခန့်ဝေးပြီး ပုသိမ်ကြီးမြို့နယ် ဆေးရုံနှင့်လည်း ၁၆ မိုင်ကွာဝေးပြီး လမ်းခရီးခက်ခဲ သည်ကို သိရှိရ ပါကြောင်း၊ သို့သော် ရွှေဘိုကျေးလက်ကျန်းမာရေးဌာနတွင် ကျေးရွာ ၂၉ ရွာ၊ လူဦးရေ ၂၄၀၀၀ နှင့် အနီးပတ်ဝန်းကျင်ကျေးရွာများပါ ထည့်သွင်းစဉ်းစားမည်ဆိုပါက အကျိုးပြုနိုင်မည့်လူဦးရေ ၃၅၀၀၀ ခန့်ရှိပါကြောင်း၊ သို့သော် ပုသိမ်ကြီးမြို့နယ် ကျောက်မီးတိုက်နယ်ဆေးရုံနှင့် ၈ မိုင်သာ ဝေးသည်သိရပါကြောင်း၊ ယခုအခါ မိုင် ၂၀ ဝေးသည်ဟုသိရသည့်အတွက် မိမိတို့ ပြန်ပြီး့ ဆန်းစစ်ရန်လိုလာပါကြောင်း၊ ဝန်ကြီးဌာနအနေဖြင့် နှစ်စဉ်ပျမ်းမျှ တိုက်နယ်ဆေးရုံ ၄၀ ခန့်သာ ရန်ပုံငွေရရှိပြီး ဘဏ္ဍာရေးနှစ်အတွက် လျာထားမှုရှိပြီး ယခု နှစ်အတွက် လျာထားမှုပြည့်နေပါကြောင်း၊ တိုက်နယ်ဆေးရုံတစ်ခုကို တည်ဆောက်မည် ဆိုပါက ာ စံနှုန်းခြောက်ချက်ရှိပါကြောင်း၊ ၎င်းခြောက်ချက်တွင် စံနှုန်း နှစ်ချက်ပဲ မိပါကြောင်း၊  ပထမ တစ်ချက်ဖြစ်သည့် တိုက်နယ်ဆေးရုံဆောက်မည်ဆိုပါက ကျေးလက်ကျန်းမာရေးဌာန ရှိပြီး သားဖြစ်ရမည်ဖြစ်ပါကြောင်း၊ အခုတွင် ဖွင့်လှစ်ထားခြင်းမရှိသေးသော ကျေးရွာဖြစ်ပါကြောင်း၊ နောက်တစ်ခု အနီးဆုံးမြို့နယ်ဆေးရုံနှင့်လည်း ၁၀ မိုင်ခန့် ဝေးရမည် သို့မဟုတ် တိုက်နယ်ဆေးရုံနှင့် လည်း ၁၀ မိုင်ခန့်ဘဲဝေးသည့်နေရာဖြစ်ရမည်ဖြစ်ပါကြောင်း၊ ယခု တင်ပြချက်အရ ကျောက်မီးဆေးရုံနှင့် ၈ မိုင်သာကွာဝေးသည့်အတွက် ၎င်းစံညွှန်းနှင့် မကိုက်ညီဘူးဖြစ်နေပါကြောင်း၊  အကယ်၍ မိုင် ၂၀ ဆိုပါက တစ်နည်းတစ်လမ်း စဉ်းစားရန် လိုပါကြောင်း၊

ထို့အပြင် အိမ်ခြေနှင့် အိမ်ထောင်ဦးရေများပြားပြီး လူဦးရေသိပ်သည်းမှု Population Density ကလည်း မြင့်ရမည် ဖြစ်ပါကြောင်း၊ အဆိုပါကျေးရွာလူဦးရေက ၇၆၉ ဦးသာ ရှိပါကြောင်း၊ လုံခြုံရေးကောင်းမွန်ပြီး မြေဧက ၄ ဧက ရှိပါကြောင်း၊ တိုက်နယ်ဆေးရုံဆောက်မည်ဆိုပါက လမ်းပန်းဆက်သွယ်ရေးအရ မြို့နယ်ဆေးရုံများသို့ လာ‌ရောက်ရန်ခက်ခဲသောနယ်မြေမှ လူနာများ အလွယ်တကူလာရောက်နိုင်သောနေရာဖြစ်ရမည့် စံညွှန်းနှင့် မကိုက်ညီခြင်း ဖြစ်နေပါသော်လည်း အကယ်၍ လွှတ်တော်ကိုယ်စားလှယ်ကြီးတင်ပြသည့်အတိုင်း မိုင် ၂၀ ဝေးသည်ဆိုပါက မိမိတို့ တစ်နည်းတစ်ဖုံစဉ်းစားရန် လိုမည်ဖြစ်ပါကြောင်း၊ ၂၀၁၈-၁၉ ဘဏ္ဍာရေးနှစ်တွင် စဉ်းစားမည် ဖြစ်ပါကြောင်း၊ ယခုလတ်တလောတွင် စံညွှန်းများနှင့် ကိုက်ညီမှုမရှိသေးသည့်အတွက် ရွှေလှံဇိုလ် (ကန်အောက်) ကျေးရွာတွင် တိုက်နယ်ဆေးရုံဖွင့်လှစ်ရန် အစီအစဉ်မရှိသေးပါကြောင်း။ သို့သော် ၎င်းနှင့် အနီးကပ်ရှိသော နတ်ရေကန်ကျေးလက်ကျန်းမာရေးဌာနခွဲနှင့် ရွှေဘိုကျေးလက်ကျန်းမာရေးဌာနတွင် လူအင်အား၊ ပစ္စည်းအင်အားကို လုံးဝအပြည့်ဖြည့်သည့်အပြင် တာဝန်ထမ်းဆောင်နေသော ကျန်းမာရေးမှူးနှင့် သားဖွားဆရာမ၊ အမျိုးသမီးကျန်းမာရေးဆရာမတို့ကို အထူးအစီအစဉ်အနေဖြင့် စွမ်းရည်မြင့်သင်တန်းကို မိမိတို့ အမြန်ဆုံးခေါ်ပြီး ပေးရန်ရှိသည့်အတွက် ယခုနှစ်တွင် ပေး၍မရသေးပါကြောင်း၊ လာမည့်နှစ် တွင် စဉ်းစားပေးမည်ဖြစ်ပါကြောင်း ရှင်းလင်းဖြေကြားပါသည်။

ဒေါက်တာဒေါ်ကြည့်မို့မို့လွင်(စဉ့်ကိုင်) မှ ဆက်စပ်မေးခွန်းမေးမြန်းပါသည်။

ရွှေဘိုမဟုတ် ရဘို ကဖြစ်ပါကြောင်း၊ ရဘိုသည် ခရိုင်ပတ်လမ်းနဲ့လည်း ဝေးပါကြောင်း၊ ခရိုင်ပတ်လမ်းမှ ရဘိုသို့ ၃ မိုင်၊ ၄ မိုင်လောက်ဝင်ရပါကြောင်း၊ နဂိုကျေးလက်ကျန်းမာ ရေးဌာနမရှိသေးသည့် ကန်အောက်ကိုရွေးရခြင်းမှ ၎င်းရွာအကုန်လုံးနှင့်ဆက်သွယ်ရလွယ်ကူ ရန်အတွက် တိုင်ပင်ပြီး ရွေးခြင်းဖြစ်ပါကြောင်း၊  ကျောက်မီးနှင့် ၈ မိုင်ဆိုသည်မှာ တကယ်၍ တိုက်နယ်ဆေးရုံဖွင့်မည်ဆိုပါက ကျောက်မီးနှင့် ၈ မိုင်ဖြစ်ပါကြောင်း၊ ၎င်းဆေးရုံကို ရောက်ရန်အတွက် ၄ မိုင်မှ ၈ မိုင်လောက်ဝေးပါကြောင်း၊ ထို့အခါ ရွာများမှ ဆေးရုံသို့ကူးရမည်ဖြစ်သည့်အတွက် ကျောက်မီးအထိဆိုရင် မိုင် ၂၀ နီးပါး ၁၆ မိုင်၏ အထက်တွင်သာရှိပါကြောင်း၊ မိမိတို့ မြေပြင်ကို သေချာကွင်းဆင်းပြီး မှ တင်ပြရခြင်းဖြစ်ပါကြောင်း၊  ယခင်နှစ်က သစ်ခေါက်ကျန်းမာရေးဌာန ဘတ်ဂျက်ကျပြီးမှ မြေအငြင်းပွားမှုဖြစ်သည့်အတွက် မိမိတို့မြို့နယ်အနေဖြင့် ဆုံးရှုံးသွားရပါကြောင်း၊ ယခု အခါ တကယ်မြေဧကများလည်း လှူထားပြီးသားဖြစ်ပါကြောင်း၊ထို့ကြောင့်  ပြည်သူ များ၏ မျှော်လင့်ချက်ကို ဖြည့်ဆည်းပေးနိုင်ရန် အတွက် နောက်နှစ်ဘတ်ဂျက်တွေမဟုတ်ဘူးဆိုပါကလည်း မည်သည့်နှစ်တွင် ဖြည့်ဆည်းပေးနိုင်မည်ဆိုသည်ကို သိလိုပါကြောင်းမေးမြန်းပါသည်။

ကျန်းမာရေးနှင့် အားကစားဝန်ကြီးဌာန၊ပြည်ထောင်စုဝန်ကြီး ဒေါက်တာမြင့်ထွေး

မန္တလေးတိုင်းဒေသကြီး ဦးစီးမှူး ဒေါက်တာသန်းသန်းမြင့် ကိုယ်တိုင်ကွင်းဆင်းပြီး သွားကြည့်မည်ဖြစ်ပါကြောင်း၊ တကယ်လိုအပ်မည်ဆိုပါက ၂၀၁၈-၁၉ ဘဏ္ဍာရေးနှစ်တွင်စပြီး Process စလုပ်ပေးမည်ဖြစ်ပါကြောင်း၊ ကွင်းဆင်းရန်အတွက် အမြန်ဆုံးလုပ်ဆောင်ပေးမည်ဖြစ်ပါကြောင်း ဖြေကြားခဲ့ပါသည်။