(င)-မြန်မာနိုင်ငံက လက်မှတ်ရေးထိုးပြီးဖြစ်သော I.L.O Convention တစ်ခုဖြစ်သည့် ၂၀၁၆ ခုနှစ်၊ ပင်လယ်ရေကြောင်း လုပ်သားဆိုင်ရာ သဘော တူညီချက်နှင့်ပတ်သက်၍ရေကြောင်းပို့ဆောင်ရေး ညွှန်ကြားမှုဦးစီးဌာန၏ လုပ်ဆောင်မှုများကို သိ လိုခြင်းနှင့် စပ်လျဉ်းသည့် မေးခွန်း

MLC သည် ကမ္ဘာ့ကုလသမဂ္ဂ လက်အောက် အဖွဲ့အစည်း‌တစ်ခု ဖြစ်သော  ILO ကပြဋ္ဌာန်းသည့် convention ဖြစ်ပါကြောင်း၊ ၂၀၀၆ ခုနှစ်၊ ဖေဖော်ဝါရီလ ၇ ရက်နေ့မှ ၂၃ ရက်နေ့အထိ ကျင်းပသော အပြည်ပြည်ဆိုင်ရာ အလုပ်သမား ညီလာခံတွင် အတည်ပြုခဲ့သည့် convention  ဖြစ်ပြီး၂၀၁၃ ခုနှစ် သြဂုတ်လတွင် အသက်ဝင် ခဲ့ပါကြောင်း၊ လက်ရှိတွင် အဖွဲ့ဝင်နိုင်ငံပေါင်း ၈၄ နိုင်ငံက ပါဝင် လက်မှတ် ရေးထိုးထားပါကြောင်း၊ ယခင်အစိုးရ လက်ထက် ပြည်ထောင်စုလွှတ်တော်တွင် အတည်ပြု ခဲ့ပြီးနောက် ၂၀၁၆ ခုနှစ်၊ မေလ ၂၅ ရက်နေ့တွင် Accession နည်း (နောက်မှလိုက်ပြီး အတည်ပြု လက်မှတ်ထိုးသော နည်း) ဖြင့် MLC (Maritime Labour Convention)  2006 ကို မိမိတို့နိုင်ငံက လက်မှတ် ရေးထိုးခဲ့ပါကြောင်း၊ ၎င်းဥပဒေအရ ၂၀၁၇ ခုနှစ်၊ မေလ ၂၅ ရက်နေ့တွင် အာဏာ သက်ရောက်သည်မှာ ၂၅ ရက်ခန့်ရှိပြီ ဖြစ်ပါကြောင်း၊ convention   အဖွဲ့ဝင် ဖြစ်သည့်အတွက် မိမိတို့က သ‌င်္ဘောများကို မိမိတို့ convention ကိုလိုက်နာကြောင်း အထောက်အထား လက်မှတ် Certificate ကို ရေကြောင်း ပို့ဆောင်ရေး ညွှန်ကြားမှုဦးစီးဌာနက ထုတ်ပေးရပါကြောင်း၊ ထုတ်ပေးရသော အမျိုးအစားများက Gross Tan ၅၀၀ နှင့်အထက် အပြည်ပြည်ဆိုင်ရာ သ‌င်္ဘောများ ရှိပါကြောင်း၊ မိမိတို့နိုင်ငံတွင် မှတ်ပုံတင်ထားပါက အခြား ပြင်ပနိုင်ငံ တစ်ခုခုတွင်လည်း ဆိပ်ကမ်းများအကြားတွင် သွားနေခဲ့ပါကလည်း မိမိတို့ ၎င်းသ‌င်္ဘောများကို ထုတ်ပေးခွင့် ရှိပါကြောင်း၊ Declaration of Maritime Labour Compliance -Part 1 ကို သ‌င်္ဘောပိုင်ရှင်က ၎င်း၏သ‌င်္ဘော အတွက် လျှောက်ထားရပါကြောင်း၊ နောက် Part 2 ကို သ‌င်္ဘောပိုင်ရှင်သည် DMLC- Part 1 မှ အချက်များကို လိုက်နာကြောင်း ကြေညာရပါသည်၊ ရေကြောင်း ပို့ဆောင်ရေး ညွှန်ကြားရေးမှု ဦးစီးဌာနက Maritime Labour Certificate ကို ထုတ်ပေးရမည် ဖြစ်ပါကြောင်း၊ မိမိတို့နှင့်အတူတူ  အပြန်အလှန် အသိအမှတ် ပြုထားသော Class အဖွဲ့များ Lloyd’s ၊ American Bureau of Shipping၊ Bureau Veritas၊ Class NK၊ Korean Register စသည့် အဖွဲ့များ နှင့်အပြိုင် အပြန်အလှန် အသိအမှတ် ပြုထားပြီး ၎င်းတို့ကလည်း မြန်မာနိုင်ငံက မှတ်ပုံတင်ထားသော သ‌င်္ဘောများကို အထောက်အထား လက်မှတ်များ ထုတ်ပေးခွင်‌့ ရှိပါကြောင်း၊ ပင်လယ်ကူး သ‌င်္ဘောများနှင့် ပတ်သက်သော ပြဋ္ဌာန်းချက်များက မြန်မာနိုင်ငံ ကုန်သွယ် သ‌င်္ဘောအက်ဥပဒေတွင် ပြဋ္ဌာန်းပြီး ဖြစ်ပါကြောင်း၊ သို့သော်လည်း ယခင်က မပြည့်စုံ သေးသည့်အတွက် ရေကြောင်းအလုပ်သမား ဥပဒေကြမ်းကို မိမိတို့ ရေးဆွဲနေသည်မှာ လေး၊ ငါး၊ ရှစ်လ ရှိပြီဖြစ်ကြောင်း၊ ရေကြောင်း အလုပ်သမားဥပဒေကို မိမိတို့ပြင်နေပါကြောင်း၊ အခန်းပေါင်း ၁၂ ခန်းနှင့် ပုဒ်မပေါင်း ၁၀၀ ကျော်ပါရှိမည်ဖြစ်ပါကြောင်း၊ ယခု ၉၀ ရာခိုင်နှုန်းခန့် ပြီးစီးပြီဖြစ်ပါကြောင်း၊ ရေကြောင်းအလုပ်သမား ဥပဒေပြီးစီးသည့်အခါ ပြည်သူ့လွှတ်တော်၊ အမျိုးသားလွှတ်တော်၊ ပြည်ထောင်စု လွှတ်တော်တို့တွင်ပါ အတည်ပြု ပြဋ္ဌာန်းနိုင်ရေးအတွက် ဆောင်ရွက်သွားမည် ဖြစ်ပါကြောင်း၊ သက်ဆိုင်ရာ အဖွဲ့အစည်းများ သ‌င်္ဘောသား အဖွဲ့အစည်းများ၊ သ‌င်္ဘောပိုင်ရှင် အဖွဲ့အစည်းများနှင့် ညှိနှိုင်းဆောင်ရွက်ပြီး ဥပဒေကြမ်းကို အမြန်ဆုံး အတည်ပြု ပြဋ္ဌာန်းနိုင်ရန် ဆောင်ရွက်လျက်ရှိပါကြောင်း၊

          ဥပဒေကြမ်းတွင် ပါဝင်သည့် အခန်းပေါင်း ၁၂ ခန်းတွင် သ‌င်္ဘောသားတွေအတွက် လိုအပ်သော အချက်အလက်များ ပါဝင်ရန်အတွက် ကြိုးစားဆောင်ရွက်လျက် ရှိပါကြောင်း၊ နောင်တွင် သ‌င်္ဘောသားများ၊ သ‌င်္ဘောပိုင်ရှင်များ၊ ရေကြောင်းပို့ဆောင်ရေး ညွှန်ကြားမှု ဦးစီးဌာနတို့ ပါဝင်သော Tripartite Committee ဖွဲ့စည်းရမည် ဖြစ်ပါကြောင်း၊ MLC 2006 convention တွင်ပါဝင်သည့် အငြင်းပွားဖွယ် ကိစ္စများ၊ ဆုံးဖြတ်ရန် မလွယ်ကူသော ကိစ္စများ၊ ရှင်းလင်းခြင်း မရှိသော သံသယ ဖြစ်ဖွယ်ကိစ္စများကို ဖြေရှင်းဆောင်ရွက်ရန်အတွက်၊ ညှိနှိုင်းရန်အတွက် သ‌င်္ဘောသား  နှင့်အဖွဲ့အစည်းများ၊ သ‌င်္ဘောသား အဖွဲ့အစည်းများကလည်း များစွာ ပါဝင်သည့် အတွက် အားလုံးကို ကိုယ်စားပြုနိုင်သော အဖွဲ့အစည်းများ ပါဝင်လာရန်၊ သ‌င်္ဘောသား အများစုကို ကိုယ်စားပြုရန် မိမိတို့ ဆောင်ရွက်ရမည် ဖြစ်ပါကြောင်း၊ သ‌င်္ဘောပိုင်ရှင်များ၏ ကိုယ်စားလှယ်များပါဝင်သော ကော်မတီ ဖွဲ့စည်းပြီး သ‌င်္ဘောသားများ၏ နစ်နာချက်များ၊ လိုအပ်ချက်များ ရှိပါက မိမိတို့ ဆောင်ရွက်သွားရမည် ဖြစ်ပါကြောင်း၊ ယခင်က Agent ကုမ္ပဏီများက သ‌င်္ဘောသားများကို စေလွှတ်ပါကြောင်း၊ နစ်နာမှု မရှိစေရန် Seafarer Recruitment and Placement Services(SRPS) ဟူ၍ ကုမ္ပဏီဖွဲ့စည်းရပါကြောင်း၊ Agent မဟုတ်တော့ဘဲ ၎င်းကုမ္ပဏီများကို လိုင်စင်ထုတ်ပြီး မြန်မာသ‌င်္ဘောသားများအတွက် ဆောင်ရွက်ပေးရမည် ဖြစ်ပါကြောင်း၊ မိမိတို့ ဆောင်ရွက် နေသည်မှာ SRPS ကုမ္ပဏီများနှင့် ဆောင်ရွက်ထားပါကြောင်း၊ ရေကြောင်းအလုပ်သမား ဥပဒေပြဋ္ဌာန်းနိုင်ရန် ဆောင်ရွက်နေပါကြောင်း၊ လက်ရှိ သ‌င်္ဘောများက လျှောက်ထားခဲ့ပါက Certificate များ ထုတ်ပေးနေပါကြောင်း၊ ယခု ၂၅ ရက်သာ ကျန်သေးပါကြောင်း ရှင်းလင်းဖြေကြားပါသည်။