(ဂ)-ပူတာအိုမြို့နယ်၊ ဒုတ္တန် အခြေခံပညာအထက် တန်းကျောင်း၏ ခါကာဘိုကျောင်းဆောင်(နှစ်ထပ်) ဆောင် အဟောင်းအား ကျောင်းဆောင်အသစ် တည်ဆောက်ပေးရန် အစီအစဉ်ရှိ၊မရှိ နှင့်စပ်လျဉ်း သည့် မေးခွန်း

ပညာရေးဝန်ကြီးဌာနအနေဖြင့် ကချင်ပြည်နယ် ပူတာအိုမြို့နယ်အတွက် ယခု ၂၀၁၇-၂၀၁၈ ဘဏ္ဍာရေးနှစ်တွင် ငွေလုံးငွေရင်းရန်ပုံငွေဖြင့် ကျောင်းဆောင်ဆောက်လုပ်ခြင်းလုပ်ငန်းများ ဆောင်ရွက်ရန် ငွေကျပ်သန်းပေါင်း ၂၅၇ သန်း ခွဲဝေလျာထားခွင့်ပြုပြီးပါကြောင်း၊ ကချင်ပြည်နယ်၊ ပူတာအိုမြို့နယ်၊ ဒုတ္တန် အခြေခံပညာအထက်တန်းကျောင်းမှာ တင်ပြပါ ခါကာဘိုကျောင်း ၁၆၀ ပေ x ၃၀ ပေ၊ အုန်ခံဆောင်၊ မေခဆောင်၊ မလိခဆောင်၊ ဝရန်တာဆီဆောင် ၁၇၀ ပေ x ၃၀ ပေသွပ်မိုး ပျဉ်ထောင်နှစ်ထပ်ဆောင်၊ ဧရာဆောင် ၁၀၆ ပေ x ၂၆ ပေသွပ်မိုးပျဉ်ကာ၊ မလိဖူးခန်းမကြီး ၈၀ ပေ x ၄၀ ပေ ဆောက်လုပ်ပြီးစီးနေသော ၉၀ ပေ x ၃၀ ပေ သွပ်မိုးအုတ်ညှပ် တစ်ဆောင် စုစုပေါင်း စာသင်ဆောင် ခုနစ်ဆောင်နှင့် ဟောခန်းမတစ်ဆောင်ရှိပါကြောင်း၊ လက်ရှိအခြေအနေတွင် ဟောခန်းမဆောင်နှင်‌့ ကျောင်း‌ဆောင်အသစ် ၉၀ ပေ x ၃၀ ပေ စာသင်ဆောင် ခြောက်ဆောင် စုစုပေါင်း စာသင်ခန်းဧရိယာ ၂၅၂၂၀ စတုရန်းပေရှိပါကြောင်း၊

ထိုအန္တရာယ်ရှိအဆောင်ကို ယခု ၂၀၁၇-၂၀၀၈ ဘဏ္ဍာရေးနှစ်တွင် ဖျက်သိမ်းပြီး အသစ်ဆောက်လုပ်ရန် ရန်ပုံငွေလျာထားခဲ့ခြင်းမရှိပါကြောင်း၊ သို့သော် ယခုနှစ်တွင် အန္တရာယ်ရှိကျောင်းဆောင်ကို ဖျက်သိမ်းပြီး ကျောင်းဆောင်အသစ် ဆောက်လုပ်ပေးနိုင်ရေးအတွက် အမှုတွဲ တည်ဆောက်ဆောင်ရွက်မည် ဖြစ်ပါကြောင်း၊ ပြီးခဲ့သော ၂၀၁၆-၂၀၁၇ ဘဏ္ဍာရေးနှစ်တွင် ထိုကျောင်းအတွက် ငွေကျပ် ၃၅.၁ သန်းဖြင့် ဆောက်လုပ်ပေးထားသော ၉၀ ပေ x ၃၀ ပေသွပ်မိုးအုပ်ညှပ် တစ်ထပ်ဆောင်သိပ္ပံဆောင်အသစ်သည် ရာခိုင်းနှုန်းပြည့် ပြီးစီးပြီဖြစ်တသည့်အတွက် အဆိုပါကျောင်းဆောင်ကို စာသင်ခန်းအဖြစ် အသုံးပြုရန် စီစဉ် ထားပါကြောင်း ရှင်းလင်းဖြေကြားပါသည်။