ရှမ်းပြည်နယ်(တောင်ပိုင်း)၊ လွိုင်လင်မြို့နယ်၊ ပင်လုံမြို့အနောက်ဘက်အထွက် ပန်မုန့်ကျေးရွာ အုပ်စုမှ ဆဟောင်းကျေးရွာအုပ်စု၊ 
လွိုင်လုံကျေးရွာသို့ သွားသည့်လမ်းပေါ်တွင်ရှိသော နမ့်စီးချောင်း ရေချောင်းကို ဖြတ်ကျော်တည်ဆောက်ထားသည့် သစ်သားတံတားအမှတ်(၁) အလျား ၄၀ ပေ၊ အနံ ၁၅ ပေ၊ အမြင့် ၁၅ ပေရှိ တံတားသည် ရာသီဥတုဒဏ်ကြောင့် ပျက်စီးနေပြီ ဖြစ်ပါကြောင်း၊ ယခုအခါတွင် ယာယီ တံတားအဖြစ် အသုံးပြု၍ မော်တော်ဆိုင်ကယ်များသာ ဖြတ်သန်းသွားလာနိုင်ပြီး မော်တော် ယာဉ်များအနေဖြင့် နမ့်စီဟောင်းရေချောင်းအတွင်းသို့ ခက်ခဲစွာ ဖြတ်သန်းသွားလာရနေသည်ကို သိရှိရပါကြောင်း၊ ထို့ကြောင့် ပင်လုံမြို့၊ ပန်မုန့်ကျေးရွာအုပ်စု ဆဟောင်း ရေးကျောင်းကို ဖြတ်ကျော်တဲ့ အလျား ၄၀ ပေ၊ အနံ ၁၅ ပေ၊ အမြင့် ၁၅ ပေရှိ သံကူကွန်ကရစ် တံတားတစ်စင်း တည်ဆောက်ပေးရန် အစီအစဉ်ရှိ/မရှိကိုလည်းကောင်း၊ ထပ်မံ၍ နမ့်စီးဟောင်းရေကျောင်းကို ဖြတ်ကျော် တည်ဆောက်ထား သည့် သစ်သားတံတားအမှတ်(၂)သည် ယခုအခါတွင် တံတားကြမ်းခင်းများ၊ အောက်ခြေများ တံတား ဘေးအကာအရံများ ပျက်စီးယိုယွင်းလျက်ရှိပါကြောင်းနှင့် ရာသီဥတုဒဏ်ကြောင့် ပြိုကျပျက်ဆီးမည့် အန္တရာယ်ရှိနေသည့်အတွက် အချိန်မီ တံတား တစ်စင်းအသစ်တည်ဆောက်ပေးရန် လိုအပ်ကြောင်းကို ဒေသခံပြည်သူများက တင်ပြလာပါကြောင်း၊ နမ့်စီးဟောင်းချောင်းကို ဖြတ်ကျော်သည့် သံကူကွန်ကရစ် တံတားနှစ်စင်း တည်ဆောက်ပြီးပါက ပန်မုန့်ကျေးရွာအုပ်စုနှင့် ဆဟောင်းကျေးရွာအုပ်စုတို့မှ ကျေးရွာ ပေါင်း ၅၃ ရွာရှိ တိုင်းရင်းသားမိဘပြည်သူများ၏ လူမှုစီးပွား ဖွံ့ဖြိုးတိုးတက်ရေးကို အထောက် အကူပြုစေ မည်ဖြစ်ပါကြောင်း၊ ထို့ကြောင့် လွိုင်လင်မြို့နယ်၊ ပင်လုံမြို့၊ ပန်မုန့်ကျေးရွာအုပ်စုမှ ဆဟောင်းကျေး ရွာအုပ်စု၊ လွိုင်လောင်ရွာသို့သွားသည့် လမ်းပေါ်ရှိ နမ့်စီးဟောင်းရေချောင်းကို ဖြတ်ကျော် တည်ဆောက် ထားသည့် တံတားအမှတ်(၁)နှင့် တံတားအမှတ်(၂) တို့ကို ကွန်ကရစ် တံတားများဖြင့် တည်ဆောက်ပေး နိုင်ပါရန် အစီအစဉ် ရှိ/မရှိနှင့် အစီအစဉ်ရှိပါက မည်သည့်အချိန်တွင် တည်ဆောက် ပေးမည်ကို သိရှိလို ပါကြောင်းမေးမြန်းပါသည်။
ရှမ်းပြည်နယ်(တောင်ပိုင်း)၊ လွိုင်လင်မြို့နယ်၊ ပင်လုံမြို့၊ ပန်မုန့်ကျေးရွာအုပ်စုမှ ဆဟောင်းကျေးရွာ အုပ်စု၊ လွိုင်လောင်ရွာသွားလမ်းပေါ်ရှိ နမ့်စီးဟောင်းရေချောင်းကို ဖြတ်ကျော် တည်ဆောက်ထားသည့် ပျက်စီးနေ သော သစ်သားတံတားအမှတ်(၁) ၁၅ x ၁၄ x ၁၅ ကိုသံကူကွန်ကရစ်တံတားကို အသစ် တည်ဆောက် ပါက ငွေကျပ် ၁၂.၀၀ သန်း၊ သစ်သားတံတားအမှတ်(၂) ကို ၂၅ x ၂၀ ကွန်ကရစ်ရေကျော် တည်ဆောက် ပါက ငွေကျပ် ၅.၀၀ သန်း စုစုပေါင်းငွေကျပ် ၁၇.၀၀ သန်းခန့် ကုန်ကျမှမည်ဖြစ်ပါကြောင်း၊ အဆိုပါ ကွန်ကရစ်တံတားသည် ကျေးရွာ ၁၃ ရွာ၊ အိမ်ခြေ ၄၅၅ အိမ်၊ လူဦးရေစုစုပေါင်း ၂၇၁၁ ဦးတို့ကို အကျိုးပြုမည်ဟု သိရှိရပါကြောင်း၊ ရှမ်းပြည်နယ်အတွင်းမှာ စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ၂၀၁၆-၂၀၁၇ ဘဏ္ဍာရေးနှစ် ခွင့်ပြုရန်ပုံငွေ ကျပ် ၇၈၂၀.၂၈ သန်းဖြင့် ကတ္တရာလမ်း ၁၀ မိုင် ၂ ဖာလုံ၊ ကျောက်ချောလမ်း ၆၄ မိုင် ၂ ဖာလုံ၊ မြေသားလမ်း ၅၄ မိုင် ၆ ဖာလုံ၊ ကွန်ကရစ်တံတား ၈၄၄ ပေ၊ သစ်သားတံတား ၈၁၀ ပေနှင့် ရေပြွန် ၂၀၀ ပေတို့ကို လျာထားဆောင်ရွက်ဖို့ရှိပါကြောင်း၊
လွိုင်လင်မြို့နယ်တွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ကျေးလက်ဒေသဖွံ့ဖြိုး တိုးတက်ရေးဦးစီးဌာန၏ ၂၀၁၆-၂၀၁၇ ဘဏ္ဍာရေးနှစ် ခွင့်ပြုရန်ပုံငွေကျပ်သည် ၁၂၉.၉၃၀ သန်းဖြစ်ပြီး ကျောက်ချောလမ်း ၁ မိုင်၊ မြေသားလမ်း ၁ မိုင် ၄ဖာလုံ၊ ကွန်ကရစ်တံတား ၃၁ ပေတို့ကို လျာထား ဆောင်ရွက်သွားမှာဖြစ်ပါကြောင်း၊ လွိုင်လင်မြိ့နယ်၊ ပင်လုံမြို့၊ ပန်မုန့်ကျေးရွာအုပ်စုမှ ဆဟောင်း ကျေးရွာ အုပ်စု၊ လွိုင်လောင်ရွာသွားလမ်းပေါ်ရှိ နမ့်စီးဟောင်းရေချောင်းကို ဖြတ်ကျော်တည်ဆောက်ထား သည့် သံကူကွန်ကရစ်တံတားအသစ် ၁ စင်းနှင့် ကွန်ကရစ်ရေကျော်တစ်စင်းတို့အတွက် ကုန်ကျငွေကျပ် ၁၇.၀၀ သန်းကို ယခင်လျာထားချက်တွင် ပါဝင်ခြင်းမရှိသော်လည်း စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ၂၀၁၆-၂၀၁၇ ဘဏ္ဍာရေးနှစ် မွမ်းမံရန်ပုံ ငွေကို အသုံးပြုတည်ဆောက်ပေးမည်ဖြစ်ပါကြောင်း ပြန်လည်ဖြေကြားပါသည်။