(ဂ)-ပျော်ဘွယ်မြို့နယ်အရှေ့၊ ရွှေညောင်ဖူးကျေးရွာ အနီးအထိ၊ပျော်ဘွယ်မြို့အနောက်ခြမ်းတောင်ညောင် ကုန်းကျေးရွာအထိ ဓာတ်အားခွဲရုံများကို ကူညီ တည်ဆောက်ပေးနိုင်ပါရန် အစီအစဉ်ရှိ၊ မရှိ နှင့် စပ်လျဉ်းသည့် မေးခွန်း

ရွှေညောင်ဖူး ကျေးရွာမီးလင်းရေးအတွက် လျှပ်စစ်နှင့်စွမ်းအင်ဝန်ကြီးဌာန၊ မန္တလေးလျှပ်စစ်ဓာတ်အား ပေးရေးကော်ပိုရေးရှင်းမှ ၂၇-၈၂၀၁၅ ရက်နေ့တွင် ရွှေညောင်ဖူးကျေးရွာအပါအဝင် ကျေးရွာ ၁၈ ရွာအတွက် ကြိုတင်တည်ဆောက်ခွင့်ပြုပေးခဲ့ပြီးဖြစ်ပါကြောင်း၊ ထို့အပြင် တိုင်းဒေသကြီးအစိုးရ ရန်ပုံ ငွေ ဖြင့် ၃၃ ကေဗွီ ဓာတ်အားလိုင်း ၁ မိုင် တည်ဆောက်ခြင်းလုပ်ငန်းအတွက် ACSR 120 mm2 ကြိုးများ၊  33 KV Pin Insulator များ၊ 33 KV Disc Insulator များနှင့် သံလက်တန်းများ စသည့် ပစ္စည်းများကို ကူညီပံ့ပိုးပေးခဲ့ခြင်းဖြစ်ပါကြောင်း၊ အဆိုပါ ၁ မိုင်နှင့် ကျန်ရှိနေသော ၁၁ မိုင် လုပ်ငန်း များအား ကျေးရွာမီးလင်းရေးအစီအစဉ်ဖြင့် ဆောင်ရွက်ရန် ယခင်က ညှိနှိုင်းခဲ့ကြခြင်း ဖြစ်ပါကြောင်း၊

မန္တလေးလျှပ်စစ်ဓာတ်အားပေးရေးကော်ပိုရေးရှင်း အနေဖြင့်နှစ်စဉ် ဘဏ္ဍာငွေဘတ်ဂျက် ခွဲဝေရရှိမှု အပေါ်မှာမူတည်၍ ဘတ်ဂျက်ငွေလုံလောက်မှုရှိပါက ဖြည့်ဆည်းဆောင်ရွက်ပေးသွားမည် ဖြစ်ပါ ကြောင်း ၊ ကျေးရွာများ လျှပ်စစ်ဓာတ်အားရရှိရေးနှင့်ပတ်သက်ပြီး လျှပ်စစ်နှင့်စွမ်းအင်ဝန်ကြီးဌာန အနေဖြင့် အစွမ်းကုန်ဖြည့်ဆည်း ဆောင်ရွက်ပေးလိုပါကြောင်း၊ တစ်နိုင်ငံလုံးတွင်ရှိသည့် ကျေးရွာများ နှင့်မြို့နယ်များ၏ လျှပ်စစ်ဓာတ်အားပြည့်ပြည့်ဝဝနှင့် မြန်မြန်ဆန်ဆန်ရရှိရေး တည်ဆောက်ရန် အတွက် လိုအပ်သော ပင်မဓာတ်အားခွဲရုံကြီးများ၊မဟာဓာတ်အားလိုင်းများ၊ ဓာတ်အားဖြန့်ဖြူးရေး လိုင်းများနှင့် ထရန်စဖော်မာအငယ်များတပ်ဆင်ရန်အတွက် ဘဏ္ဍာငွေများလိုအပ် နေပါကြောင်း၊ ထိုကဲ့သို့ လိုအပ်နေသည့် ဘဏ္ဍာငွေရရှိရန်အတွက် မိမိတို့ လျှပ်စစ်နှင့် စွမ်းအင်ဝန်ကြီးဌာနအနေဖြင့် နှစ်စဉ် ဘဏ္ဍာငွေရရှိရန်အတွက် တင်ပြ တောင်းခံသွားမည်ဖြစ်ပါကြောင်း၊ သို့ရာတွင် မိမိနိုင်ငံ၏ အခြေအနေအရ ဘဏ္ဍာငွေခွဲဝေရရှိမှုအပေါ်မှာ မူတည်ပြီး သက်ဆိုင်ရာကျေးရွာနှင့် မြို့နယ်များ လျှပ်စစ်မီးတိုးချဲ့ရရှိရေးအတွက် တတ်စွမ်းသရွေ့ တိုးချဲ့ဖြည့်ဆည်း ဆောင်ရွက်ပေးလျက်ရှိပါ ကြောင်း နှင့် ဘဏ္ဍာငွေမြောက်မြားစွာလိုအပ်နေပါကြောင်း ဖြေကြားပါသည်။

ဦးသောင်းအေး မှဆက်စပ်မေးခွန်းမေးမြန်းပါသည်။

၎င်းလုပ်ငန်းနှစ်ရပ်သည် ပထမအကြိမ် ပြည်သူ့လွှတ်တော်သက်တမ်း ၉-၂-၂၀၁၅ ရက်နေ့တွင် ပြည်သူ့လွှတ်တော်ကိုယ်စားလှယ် ဦးမြင့်စိုးတင်ပြခဲ့သည့် လုပ်ငန်းများဖြစ်ပါကြောင်း၊  ဝန်ကြီးဌာန အနေဖြင့် ၎င်းလုပ်ငန်းကို နောင်လာမည့်ဘဏ္ဍာရေးနှစ်များတွင် ဆက်လက်လျာ ထားပေးသွားမည်ဟု ဖော်ပြထားပါကြောင်း၊ မိမိ၏တင်ပြချက်တွင်  လျာထားပေးမည် ဆိုသော်လည်း ၂၀၁၆-၁၇ ဘဏ္ဍာနှစ် တွင် ပါဝင်ခြင်းမရှိပါကြောင်း၊ ထို့ကြောင့် ၂၀၁၇-၁၈ ဘဏ္ဍာရေးနှစ်တွင် ပါဝင်နိုင်ခြင်းရှိ/မရှိ သိရှိလိုပါ ကြောင်း မေးမြန်းပါသည်။

လျှပ်စစ်နှင့်စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်

လျှပ်စစ်နှင့် စွမ်းအင်ဝန်ကြီးဌာနအနေဖြင့် တစ်နိုင်ငံလုံးရှိပြည်သူများ လျှပ်စစ်မီးရရှိရန်အတွက် အစွမ်းကုန် ဖြည့်ဆည်းပေးမည်ကို ရှင်းလင်းဖြေကြားခဲ့ပါကြောင်း၊ လက်ရှိ ထပ်မံဖြည့်ဆည်း ဆောင်ရွက်ပေး ရန်လိုအပ်သည့် ဓာတ်အားလိုင်းများ၏ တည်ဆောက်စရိတ်ကို ၂၀၁၇-၁၈ BE ဘတ်ဂျက်တွင် လျာထားတင်ပြတောင်းခံမည်ဖြစ်ပါကြောင်း နှင့် အမှန်တကယ်ဘတ်ဂျက်ခွင့်ပြုငွေ ရရှိမှု အနေအထားပေါ်တွင် ဒေသများအားလုံးကို မျှတအောင် ဆောင်ရွက်ပေးရမည် ဖြစ်သည့် အတွက်ကြောင့် ဘဏ္ဍာငွေခွင့်ပြုရရှိမှုအပေါ် မူတည်ပြီးဆောင်ရွက်ပေးနိုင်မည်ဖြစ်ပါကြောင်း  ရှင်းလင်း ဖြေကြားပါသည်။