(ဂ)-တောင်ဥက္ကလာပမြို့နယ်၊(၉)ရပ်ကွက်ရှိအားက စား ပန်းခြံအားပြန်လည်ခွင့်ပြုပေးနိုင်ပါရန်နှင့်မည် သို့စီစဉ် ဆောင်ရွက်ထားသည်ကို သိရှိလိုခြင်း နှင့် စပ်လျဉ်းသည့် မေးခွန်း

၎င်းမြေနေရာသည် ရန်ကုန်မြို့တော်စည်ပင်သာယာရေးကော်မတီ မြို့မြေစာရင်း(Town Land Roll) တွင် တောင်ဥက္ကလာပမြို့နယ်၊ မြေတိုင်းရပ်ကွက် အမှတ် ၉၊ မြေကွက်အမှတ် ၁၀၁၉၊ ဧရိယာ ဝ.၃၉ ဧကကို ပြည်ထောင်စုကြံ့ခိုင်ရေးနှင်‌့ ဖွံ့ဖြိုးရေးအသင်းဌာနချုပ်၊ အမည်ပေါက်သည်ဟု မှတ်သားထားပါ ကြောင်း၊ မြေငှားစာချုပ်အမှတ် ၁/တဥ-၇၇၁/၂၀၀၂ အရ ၉-၆-၂၀၀၂ ရက်စွဲဖြင့် နှစ် ၆၀ မြေငှားစာချုပ် ဂရန် ခွင့်ပြုထုတ်ပေးခဲ့ခြင်းဖြစ်ပါကြောင်း၊ အဆိုပါမြေကွက်သည် ၁၉၉၂-၁၉၉၃ ခုနှစ် မြို့ရွာနှင့် အိုးအိမ်ဖွံ့ဖြိုးရေးဦးစီးဌာန(ယခုမြို့ပြနှင့် အိမ်ရာဖွံ့ဖြိုးရေးဦးစီးဌာနမှ ရန်ကုန်မြို့တော် စည်ပင်သာယာရေး ကော်မတီသို့ လွှဲပြောင်းပေးစဉ် မြို့ကွက်ကျမြေပုံ(Block Map) တွင် ပန်းခြံ/ ကလေးကစားကွင်း ဟု မှတ်သားထားခြင်းမရှိသည့် မြေကွက်လပ်ဖြစ်ပြီး မြို့မြေစာရင်း (Town Land Roll)နှင့် မြေငှားခ စည်းကြပ်မှု စာရင်း(Assessment Roll) တို့တွင်လည်း အမည်ပေါက် မှတ်သားပါဝင်ခြင်း မရှိသည့် အတွက် ရန်ကုန်မြို့တော် စည်ပင်သာယာရေးကော်မတီမှ စီမံခန့်ခွဲခွင့်ရှိသော မြေကွက်လပ်ဖြစ်ပါ ကြောင်း၊ အဆိုပါမြေနေရာအား ၂၀၀၂ ခုနှစ်တွင် ၆၀ မြေငှားဂရန်ခွင့်ပြုထုတ်ပေးစဉ် ပုဂ္ဂလိကပိုင်အဖြစ် လွှဲပြောင်းပေးခဲ့ခြင်းမဟုတ်ဘဲ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်း၏ တောင်ဥက္ကလာပ မြို့နယ် ရုံးမြေနေရာအဖြစ် ခွင့်ပြုဆောင်ရွက်ခဲ့ခြင်းဖြစ်ကြောင်း၊ အမည်ပြောင်း လျှောက်ထားမှုအရ ၁၆-၆-၂၀၁၄ ရက်နေ့တွင် ပြုလုပ်သော ရန်ကုန်မြို့တော် စည်ပင်သာယာရေး ကော်မတီ၊ ကော်မတီဝင်များ အစည်းအဝေးအမှတ်စဉ်(၂၃/၂၀၁၄) အပိုဒ် (က/၇၀)ဖြင့် ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးအသင်း မှ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ သို့ ပြောင်းလဲခြင်း ဖြစ်ပါကြောင်း၊ ပုဂ္ဂလိကတစ်ဦးတစ်ယောက်၏ အခွင့်အရေးနှင့် ပိုင်ဆိုင်ခွင့်အရ ခွင့်ပြုချထားပေးခြင်း မဟုတ်ပါကြောင်း၊ ပြည်ထောင်စုကြံ့ခိုင်ရေး နှင့် ဖွံ့ဖြိုးရေးအသင်းအမည် ဖြင့် ခွင့်ပြုဆောင်ရွက်ခဲ့ခြင်း ဖြစ်ကြောင်း စိစစ်တွေ့ရှိရသဖြင့် လက်ရှိအခြေ အနေအရ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ အမည်ဖြင့် ဆက်လက်တည်ရှိနေမည် ဖြစ်ပါကြောင်းဖြေကြားပါသည်။

တောင်ဥက္ကလာပမဲဆန္ဒနယ်၊ ဒေါက်တာဦးစောနိုင် မှဆက်စပ်မေးခွန်းမေးမြန်းပါသည်။

နိုင်ငံရေးပါတီများ မှတ်ပုံတင်ခြင်းဥပဒေ အခန်း(၂)၊ အပိုဒ် ၇ အပိုဒ်ခွဲ(ဂ)တွင် နိုင်ငံတော်ပိုင် ငွေကြေး၊ အဆောက်အဦ၊ ယာဉ်၊ ပစ္စည်းတို့ကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ ရယူခြင်းမပြုရဆိုသည့်   အပိုဒ်လည်းပါပါကြောင်း၊ ရန်ကုန်တိုင်းဒေသကြီးလွှတ်တော်တွင် ဆုံးဖြတ်ထားသည့် အများပြည်သူပိုင် မြေနေရာကို အများပြည်သူလက်သို့ ပြန်လည်ရောက်ရှိရန် ဆုံးဖြတ်ချက်လည်း ရှိပြီးဖြစ်ပါကြောင်း၊ ထို့ကြောင့် ၎င်းအားကစားပန်းခြံကိစ္စကို အလေးထားပြန်လည်သုံးသပ်ပေးရန် ဆက်စပ်မေးခွန်း မေးမြန်းပါသည်။