(က)-ပြည်မြို့နယ်အတွင်း နဝင်းချောင်းရေတိုက်စားမှုကြောင့် ဆိုးရွားစွာကမ်းပြိုလျက်ရှိသော ကျေးရွာ များအတွက် ကမ်းပြိုကာကွယ်ရေးလုပ်ငန်းများကို မည်သည့်ဘဏ္ဍာရေးနှစ်တွင် ဆောင်ရွက်ပေးနိုင် မည်ကို သိလိုခြင်းနှင့်စပ်လျဉ်းသည့်မေးခွန်း

ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဒုတိယဝန်ကြီး ဦးကျော်မျိုး

ပဲခူးတိုင်းဒေသကြီး၊ ပြည်မြို့နယ်အတွင်းရှိ နဝင်းချောင်းရေတိုက်စားမှုကြောင့် ဆိုးရွားစွာကမ်းပြို လျက်ရှိသော ဇီးအုပ်ကျေးရွာအုပ်စု၊ မြောင်းငယ်လှကျေးရွာ ကမ်းပြိုကာကွယ်ရေးလုပ်ငန်းနှင့် ပတ်သက်ပြီး ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ရေအရင်းအမြစ်နှင့် မြစ်ချောင်းများဖွံ့ဖြိုး တိုးတက်ရေးဦးစီးဌာနက ၂၀၁၆ ခုနှစ် ဒီဇင်ဘာလအတွင်းက ကွင်းဆင်းတိုင်းတာစစ်ဆေးခဲ့ပြီး ကမ်းပြိုကာကွယ်ရေးအတွက် ဆောင်ရွက်ရမည့်လုပ်ငန်းအစီအမံများ ရေးဆွဲခဲ့သော်လည်း ကမ်းပြို ကာကွယ်ရေးဆောင်ရွက်နိုင်ခဲ့ခြင်းမရှိသည့်အပြင် ၂၀၁၇-၂၀၁၈ ဘဏ္ဍာရေးနှစ်နှင့် ၂၀၁၈-၂၀၁၉ ဘဏ္ဍာရေးနှစ်များတွင်လည်း ကွင်းဆင်းတိုင်းတာနိုင်ခဲ့ခြင်း မရှိခဲ့သည့်အတွက် ကမ်းပြိုမှုအနေ အထားများ ပြောင်းလဲလာနိုင်သဖြင့် ၃-၁-၂၀၂၀ ပြည့်နှစ်တွင် ထပ်မံ၍ ကွင်းဆင်း တိုင်းတာခဲ့ပါကြောင်း၊ တိုင်းတာရရှိသည့် ရေလမ်းပုံအရ ကမ်းပါးအိကျနေသည့်နေရာက အလျားပေ ၁၀၇၀ ပေခန့်ရှိပြီး ချောင်းကွေ့၏ အပြင်ဘက်ကျရောက်ပြီး ကမ်းပြိုရခြင်းဖြစ်ကြောင်းတွေ့ရှိရပါ ကြောင်း၊ အဆိုပါ ကမ်းပြိုကာကွယ်ရေးအတွက် ဆောင်ရွက်သင့်သည့် လုပ်ငန်းအစီအစဉ်များ အနေဖြင့် နှစ်တန်းသွားမျောတိုင်တန်း သဲအိတ်ဖြည့်အခြေထိန်းရေကာနှင့်အတူ သဲအိတ်စီ(Poly Felt)အုပ် ကမ်းထိန်းနံရံ ပေ ၉၁၀ လုပ်ငန်းများဖြစ်ပြီး ခန့်မှန်းကုန်ကျစရိတ်မှာ ကျပ် ၈၈.၄၇ သန်း ဖြစ်ပါကြောင်း၊ အဆိုပါလုပ်ငန်းများ ဆောင်ရွက်ပေးနိုင်ရေးအတွက် ခန့်မှန်းကုန်ကျငွေကို ပဲခူး တိုင်းဒေသကြီးအစိုးရအဖွဲ့၏ ၂၀၁၉-၂၀၂၀ ဘဏ္ဍာရေးနှစ် တိုင်းဒေသကြီး သဘာဝဘေးရန်ပုံငွေမှ ကျခံဆောင်ရွက်နိုင်ရေးအတွက် တင်ပြထားရှိပြီးဖြစ်ပါကြောင်း၊ အကယ်၍ ၎င်းရန်ပုံငွေမှမရခဲ့သည် ရှိသော် ပဲခူးတိုင်းဒေသကြီးအစိုးရအဖွဲ့၏ ၂၀၂၀-၂၀၂၁ ဘဏ္ဍာရေးနှစ် ငွေလုံးငွေရင်း ရန်ပုံငွေတွင် လည်း ထပ်မံတင်ပြတောင်းခံထားရှိပြီး ဖြစ်ပါကြောင်း၊

ပြည်မြို့နယ်၊ သဲကုန်းကျေးရွာအုပ်စု၊ လင်းပယ်ကျေးရွာ ကမ်းပြိုကာကွယ်ရေးလုပ်ငန်းနှင့် ပတ်သက်၍ ၂၀၁၈ ခုနှစ် ဧပြီလအတွင်းတွင် ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေး ဦးစီးဌာနက ကွင်းဆင်းတိုင်းတာစစ်ဆေးပြီး ကမ်းပြိုအလျားပေ ၁၅၃၀ ရှိသည့်အနက် ပေ ၅၀၀ ခန့်သည် ရွာချင်းဆက်လမ်းနှင့် အနီးကပ်ဆုံးအပိုင်းဖြစ်ပြီး လမ်းသားများပါ ပဲ့ကျနေသည့် အနေအထား တွေ့ရှိခဲ့ရပါကြောင်း၊ တိုင်းတာရရှိခဲ့သည့် ရေလမ်းပုံအရ ဆောင်ရွက်သင့်သော လုပ်ငန်းအစီအမံများ ရေးဆွဲ၍ ၂၀၁၉-၂၀၂၀ ဘဏ္ဍာရေးနှစ် ပဲခူးတိုင်းဒေသကြီးအစိုးရအဖွဲ့ ရန်ပုံငွေတွင် တင်ပြတောင်းခံခဲ့သော်လည်း ပါဝင်ခဲ့ခြင်းမရှိသည့်အတွက်ကြောင့် ၃-၁-၂၀၂၀ ပြည့်နှစ်တွင် ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနက ထပ်မံ ကွင်းဆင်း တိုင်းတာခဲ့ပြီး ရရှိသည့်တိုင်းတာချက်များအရ ကမ်းပြိုအလျားစုစုပေါင်းမှာ ပေ ၁၅၈၀ ခန့်အထိ တိုးမြှင့်သွားခဲ့ပြီး ထိုအလျားထဲတွင် လမ်းနှင့် အနီးကပ်ဆုံးအပိုင်းဖြစ်သော ပေ ၅၀၀ ခန့်မှာလည်း ကမ်းပြိုမှုဆက်လက်ဖြစ်ပေါ်နေသည်ကို တွေ့ရှိခဲ့ရပါကြောင်း၊ အဆိုပါ ကမ်းပြိုကာကွယ်ရေး အတွက် နှစ်တန်းသွားမျောတိုင်တန်း ကျောက်ဖြည့်အခြေထိန်းရေကာ ပေ ၅၀၀၊ နှစ်တန်းသွားမျော တိုင်တန်းရေလွှဲရေကာ ပေ ၈၀၊ ကမ်းရင်းမျောကရစ် ပေ ၁၀၀ x ပေ ၃၀ တစ်ခုနှင့် ပေ ၅၀ x ၁၅ ပေ တစ်ခုလုပ်ငန်းများဆောင်ရွက်ပေးရန် လိုအပ်မည်ဖြစ်ပြီး ခန့်မှန်းကုန်ကျစရိတ်က ကျပ် ၁၂၁.၄၇ သန်းဖြစ်ပါကြောင်း၊ ဖော်ပြပါ ခန့်မှန်းကုန်ကျစရိတ်ကို ပဲခူးတိုင်းဒေသကြီးအစိုးရအဖွဲ့၏ ၂၀၁၉-၂၀၂၀ ဘဏ္ဍာရေးနှစ် တိုင်းဒေသကြီးသဘာဝဘေးရန်ပုံငွေမှကျခံဆောင်ရွက်နိုင်ရေးအတွက် တင်ပြ ထားရှိပြီးဖြစ်သည့်အပြင် ရန်ပုံငွေမှမရရှိခဲ့သည်ရှိသော် လုပ်ငန်းများဆောင်ရွက်ပေးနိုင်ရေးအတွက် ပဲခူးတိုင်းဒေသကြီးအစိုးရအဖွဲ့၏ ၂၀၂၀-၂၀၂၁ ဘဏ္ဍာရေးနှစ်ငွေလုံးငွေရင်းရန်ပုံငွေတွင်လည်း ထပ်မံတင်ပြ တောင်းခံထားရှိပြီးဖြစ်ပါကြောင်း၊

ပြည်မြို့နယ်၊ အုပ်ဆွဲအုပ်စု၊ ဝန်တင်ဆိပ်ကျေးရွာကမ်းပြိုကာကွယ်ရေးလုပ်ငန်းနှင့်ပတ်သက်၍ ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနက ၂၀၁၈ ခုနှစ် နိုဝင်ဘာလအတွင်း ကွင်းဆင်းစစ်ဆေးချက်အရ ပေါင်းတလည်-ဝက်ထီးကန်လမ်းနှင့် ချောင်းကမ်းပါးမှာ ပေ ၃၀ ခန့်ကွာဝေးပြီး ကမ်းပြိုအလျား ပေ ၂၄၀ ခန့်ရှိကြောင်း တိုင်းတာစစ်ဆေးတွေ့ရှိခဲ့ရသဖြင့် အဆိုပါ ကမ်းပြိုနေရာကို ကာကွယ်နိုင်ရေးအတွက် နှစ်တန်းသွားမျောတိုင်တန်းကျောက်ဖြည့် အခြေထိန်း ရေကာနှင့် ကမ်းရင်းတွင် မျောကရစ်ကျောက်ဖြည့် Soda Mattress လုပ်ငန်းဖြင့် ကာကွယ်သွားရန် လျာထားခဲ့ပါသော်လည်း လုပ်ငန်းဆောင်ရွက်ပေးနိုင်ခဲ့ခြင်းမရှိသည့်အတွက် အဆိုပါနေရာကို ၁-၁-၂၀၂၀ ပြည့်နှစ်တွင် ထပ်မံတိုင်းတာခဲ့ရာ ကမ်းပြိုအလျား ပေ ၃၉၀ ခန့်အထိ တိုးမြင့်ဖြစ်ပေါ်နေပြီး လမ်းနှင့်လည်း ယခင်ကပေ ၃၀ ခန့်ကွာဝေးရာမှ ယခုတိုင်းတာချက်အရ ၂၄ ပေခန့်သာ ကွာဝေး လျက်ရှိနေသည်ကို စစ်ဆေးတွေ့ရှိခဲ့ရပါကြောင်း၊ ဖော်ပြပါ ကမ်းထိန်းလုပ်ငန်းနှင့်ပတ်သက်၍ တိုင်းတာရရှိသည့် ရေလမ်းပုံအရ အဆိုပါ ကမ်းပြိုအလျားပေ ၃၉၀ ခန့်ကို နှစ်တန်းသွား မျောတိုင် တန်းကျောက်ဖြည့်အခြေထိန်းရေကာ ပေ ၃၉၀ နှင့် ကမ်းရင်းမှာ မျောကရစ် ကျောက်ဖြည့် လုပ်ငန်း(ပေ ၃၉၀ x ၁၅ ပေ)လုပ်ငန်းများ ဆောင်ရွက်ပေးရန် လိုအပ်မည်ဖြစ်ပြီး ခန့်မှန်းကုန်ကျ စရိတ်မှာ ကျပ် ၅၃.၇ သန်းဖြစ်ပါကြောင်း၊ အဆိုပါခန့်မှန်းကုန်ကျငွေကို ပဲခူးတိုင်းဒေသကြီး အစိုးရအဖွဲ့၏ ၂၀၁၉-၂၀၂၀ ဘဏ္ဍာရေးနှစ် တိုင်းဒေသကြီးသဘာဝဘေးရန်ပုံငွေမှ ကျခံဆောင်ရွက် နိုင်ရေးအတွက် တင်ပြထားရှိပြီး ဖြစ်ပါကြောင်း၊ အကယ်၍ အဆိုပါရန်ပုံငွေမှ မရရှိသည် ရှိသော်လည်း လုပ်ငန်းများဆောင်ရွက်ပေးနိုင်ရေးအတွက် ပဲခူးတိုင်းဒေသကြီးအစိုးရအဖွဲ့၏ ၂၀၂၀-၂၀၂၁ ဘဏ္ဍာရေးနှစ် ငွေလုံးငွေရင်းရန်ပုံငွေတွင်လည်း ထပ်မံတင်ပြတောင်းခံထားရှိပြီး ဖြစ်ပါကြောင်း၊

သို့ဖြစ်ပါ၍ ပြည်မြို့နယ်အတွင်းရှိ နဝင်းချောင်းရေတိုက်စားကမ်းပြိုလျက်ရှိသော ဇီးအုပ် ကျေးရွာ အုပ်စု၊ မြောင်းငယ်လှကျေးရွာ၊ သဲကုန်းကျေးရွာအုပ်စု၊ လင်းပယ်ကျေးရွာနှင့် အုပ်ဆွဲအုပ်စု၊ ဝန်တင်ဆိပ်ကျေးရွာတို့၏ ကမ်းပြိုကာကွယ်ရေးလုပ်ငန်းအသီးသီး ဆောင်ရွက်ပေးနိုင်ရေးအတွက် လိုအပ်သော ရန်ပုံငွေစုစုပေါင်းကျပ် ၂၆၃.၆၄ သန်းကို ၂၀၁၉-၂၀၂၀ ဘဏ္ဍာရေးနှစ် တိုင်းဒေသကြီး အစိုးရအဖွဲ့၏ သဘာဝဘေးရန်ပုံငွေသို့ တင်ပြတောင်းခံထားရှိပြီးဖြစ်သကဲ့သို့ ၂၀၂၀-၂၀၂၁ ဘဏ္ဍာရေးနှစ် တိုင်းဒေသကြီးအစိုးရအဖွဲ့၏ ငွေလုံးငွေရင်းရန်ပုံငွေတွင်လည်း တင်ပြတောင်းခံထား ရှိပြီးဖြစ်ပါကြောင်းနှင့် ရန်ပုံငွေရရှိမှုအပေါ်မူတည်၍ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာန၏ နည်းပညာပိုင်းဆိုင်ရာ ပူးပေါင်း ကူညီမှုဖြင့် ဆောင်ရွက်ပေးသွားမည်ဖြစ်ပါကြောင်း ဖြေကြားပါသည်။