(င)-မတူပီ-မင်းတပ်လမ်းအတွက် ၂၀၁၉-၂၀၂၀ ဘဏ္ဍာရေးနှစ်မှစတင်၍ ပြည်ထောင်စုဘဏ္ဍာရန်ပုံငွေကို ခွင်‌့ပြုပေးရန် အစီအစဉ်ရှိ/မရှိနှင်‌့ စပ်လျဉ်းသည်‌့မေးခွန်း

ချင်းပြည်နယ်အတွင်းရှိ မင်းတပ်-မတူပီကားလမ်း အရှည် ၁၀၂ မိုင်သည် ပြည်ထောင်စုအစိုးရအဖွဲ့မှ စီမံခန့်ခွဲသောလမ်း ဖြစ်ပါကြောင်း၊ ၂၀၁၆ ခုနှစ်၊ စက်တင်ဘာလ ၂၀ ရက်နေ့တွင် ကျင်းပသော ဒုတိယအကြိမ် ပြည်သူ့လွှတ်တော် ဒုတိယပုံမှန် အစည်းအဝေးတွင်  မတူပီ-မင်းတပ်ကားလမ်းကို အမြန်ဆုံးပြီးစီးရေး တာချဲ့ပေးရန်နှင်‌့ ကတ္တရာလမ်း အမြန်ဆုံးပြန်လည် ခင်းပေးရန် အစီအစဉ်ရှိ/မရှိမေးခွန်းအပေါ် ၂၀၁၇-၂၀၁၈ ဘဏ္ဍာရေးနှစ်မှ ၂၀၂၀-၂၀၂၁ ဘဏ္ဍာရေးနှစ်များအတွင်း စီမံချက်များရေးဆွဲပြီး ရန်ပုံငွေ ရရှိမှုအပေါ် မူတည်ကာ တည်ဆောက်သွားမည်ဖြစ်သည်ဟု ဖြေကြားခဲ့ပါကြောင်း၊

အဆိုပါလမ်းကို ၃၄ ပေ လမ်းတာချဲ့ခြင်းနှင်‌့  ၁၈ ပေအကျယ် ကတ္တရာလမ်းအဆင်‌့မြှင်‌့တင် ပေးနိုင်ရေးအတွက် ပြည်ထောင်စုရန်ပုံငွေနှင်‌့ ပြည်နယ်ရန်ပုံငွေများတွင် နှစ်စဉ်တင်ပြဆောင်ရွက် လျက်ရှိရာ ၂၀၁၆-၂၀၁၇ ဘဏ္ဍာရေးနှစ်မှ  ၂၀၁၈ ခုနှစ် ခြောက်လဘတ်ဂျက်အထိ စုစုပေါင်း ပြည်ထောင်စုမှာ ၁၂၂၇.၂ သန်းနှင့် ပြည်နယ်ရန်ပုံငွေ ၁၈၀၅၈.၇၄၈ သန်း စုစုပေါင်း ၁၉၂၈၅.၉၄၈ သန်း ရရှိအောင်ဆောင်ရွက်ခဲ့ ပါကြောင်း၊ အဆိုပါရန်ပုံငွေဖြင့်  ၅၃ မိုင်ကို အကျယ် ၃၄ ပေလမ်းတာချဲ့ခြင်း ဆောင်ရွက်နိုင်ခဲ့ပါကြောင်း၊ ၃၅ မိုင် ၄ ဖာလုံကို ကတ္တရာထပ်ပိုးလွှာ ခင်းခြင်း၊ ၂ မိုင် ၆ ဖာလုံကို လမ်းကွေ့ဖြောင်‌့ပြီး ကျောက်လမ်းခင်းခြင်း၊ သံကူကွန်ကရစ် ရေထုတ်ပြွန် ၇၂ စင်း၊ သံကူကွန်ကရစ်ကြမ်းခင်းလဲလှယ်ခြင်း ၂၅ စင်း၊ ကျောက်စီရေမြောင်း အရှည် ၁၄၆၉၁ ပေ၊ ရေပြွန်ထပ်ဆက်ကွေ့ ၁၇ စင်း အစရှိသည့် လုပ်ငန်းများ၊ မြေကာ/မြေထိန်းနံရံ ၅၇ ခု၊ မြေကာ/မြေထိန်းနံရံ သံကူကွန်ကရစ်တံတားနှစ်စင်းစသဖြင်‌့ အဆိုပါလုပ်ငန်းများကို ဆောင်ရွက်နိုင်ခဲ့ပါကြောင်း၊ ၂၀၁၈ ခုနှစ် စက်တင်ဘာလတွင် ၆၄ မိုင် ၆ ဖာလုံကို အကျယ် ၃၄ ပေ လမ်းတာချဲ့ခြင်း ဆောင်ရွက်ပြီးစီးနိုင်ခဲ့ပါကြောင်း၊ မင်းတပ်-မတူပီလမ်းကို လမ်းအဆင်‌့မြှင်‌့တင်ခြင်း လုပ်ငန်း များ ဆောင်ရွက်ရေးအတွက် ၂၀၁၈ ခုနှစ် ဧပြီလမှ စက်တင်ဘာလအထိ ခြောက်လ ဘတ်ဂျက်တွင် ရန်ပုံငွေ ကို လည်းကောင်း၊ ၂၀၁၈-၂၀၁၉ ဘဏ္ဍာရေးနှစ်တွင် ရန်ပုံငွေ ၂၀၈၀ သန်း ကိုလည်းကောင်း တင်ပြခဲ့သော် လည်းပဲ ပြည်ထောင်စုငွေလုံးငွေရင်းရန်ပုံငွေတွင် ရန်ပုံငွေခွဲဝေရရှိခြင်း မရှိခဲ့ပါသဖြင်‌့ လမ်းအဆင်‌့မြှင်‌့တင်ခြင်း လုပ်ငန်းများကို အဆိုပါကာလများတွင် ဆောင်ရွက်ပေးနိုင်မှု မရှိခဲ့ခြင်းဖြစ်ပါကြောင်း၊

နှစ်စဉ်မိုးသည်းထန်စွာရွာသွန်းမှုကြောင်‌့ လမ်းသားပဲ့ကျခြင်းနဲ့ တောင်ပြိုခြင်းများကြောင်‌့ လမ်းသားပျက်စီး ယိုယွင်းမှုများ ဖြစ်ပေါ်လာ၍ အဆိုပါ လမ်းမကြီးကို ယခုအချိန်တွင် အလေးထားပြီး ပြင်/ထိန်းလုပ်ငန်းများ ဆောင်ရွက်ပေးလျက်ရှိပါကြောင်း၊ ၂၀၁၈-၂၀၁၉ ဘဏ္ဍာရေးနှစ် ပြည်ထောင်စုပြင်/ထိန်းရန်ပုံငွေ ၂၉၈.၉၀၄ သန်းနှင်‌့ ပြည်နယ်ရန်ပုံငွေ ၅၁၀၁ သန်းတို့ဖြင်‌့ မော်တော်ယာဉ်ကြီး/ငယ်များ ရာသီမရွေးသွားလာနိုင်ရန်  ၂၉ မိုင် ၆ ဖာလုံရှိသည့် လမ်းကို ကတ္တရာထပ်ပိုးလွှာခင်းပေးခဲ့ပါကြောင်း၊ ၃၄ ပေအကျယ်  ကတ္တရာ ကွန်ကရစ် ခင်းခြင်းလုပ်ငန်းများ၊ လမ်းဖြောင်‌့ကွေ့ပြီးတော့ ကတ္တရာလမ်းခင်းခြင်းလုပ်ငန်းများ၊ လမ်းသားနိမ့်ကျနေသည့် နေရာများကို အမာခံလမ်းခင်းပေးခြင်းလုပ်ငန်းများ၊ Gabion Wall တည်ဆောက်ခြင်းလုပ်ငန်းများ၊ ရေထုတ်ပြွန် ၁၂ စင်း၊ သံကူကွန်ကရစ်တံတား လေးစင်း၊ Gabion Box Walling ၄၆၈ ခု အစရှိသည့် လုပ်ငန်းများကို ဆောင်ရွက်ပေးနိုင်ခဲ့ပါကြောင်း၊

၂၀၁၉-၂၀၂၀ ဘဏ္ဍာရေးနှစ်တွင် ပြည်ထောင်စုရန်ပုံငွေ ကျပ် ၁၀၀၀ သန်းနှင့် ချင်းပြည်နယ်အစိုးရ အဖွဲ့ရန်ပုံငွေ ကျပ် ၂၈၉၇ သန်း လျာထားတင်ပြတောင်းခံပြီး ခွင်‌့ပြုချက်ရရှိပါက  ၂ မိုင် ၂ ဖာလုံအကျယ် ၃၄ ပေ လမ်းတာချဲ့ခြင်း၊ ၂ မိုင်အရှည် ၃၄ ပေ ကွန်ကရစ်လမ်းခင်းခြင်း၊ ၁၂ မိုင် ၁ ဖာလုံကို ကတ္တရာထပ်ပိုးလွှာခင်းခြင်း၊ လမ်းတာချဲ့ပြီးအပိုင်း ၁ မိုင် ၄ ဖာလုံကို အမာခံကျောက်လမ်းခင်းခြင်း စသည်‌့လုပ်ငန်းများကို ဆောင်ရွက်သွားမည်ဖြစ်ပါကြောင်း၊ အဆိုပါ လျာထားလုပ်ငန်းများ ဆောင်ရွက်ပြီးပါက  ကတ္တရာကွန်ကရစ်လမ်း ၃ မိုင် စုစုပေါင်း ၁၀၂ မိုင်ရှိသည့်အနက် AC လမ်း ၃ မိုင်၊ ကတ္တရာ လမ်း ၂ မိုင်၊ ကွန်ကရစ်လမ်း ၂ ဖာလုံနှင့် ကတ္တရာလမ်း ၉၈ မိုင် ၆ ဖာလုံကို ဆောင်ရွက်ပြီးစီးသွားမည်ဖြစ်ပါကြောင်း၊

မင်းတပ်-မတူပီလမ်းကို အဆင်‌့မြှင်‌့တင်ဆောင်ရွက် နိုင်ရေးအတွက် နှစ်စဉ်ရန်ပုံငွေများ တင်ပြတောင်းခံပြီး ရန်ပုံငွေခွဲဝေရရှိမှုအပေါ်မူတည်ပြီး အကောင်အထည်ဖော် ဆောင်ရွက်ပေးလျက်ရှိပါကြောင်းနှင့် အဆင်‌့မြှင်‌့ တင်ခြင်း လုပ်ငန်းများ ဆောင်ရွက်ပေးရန် ကျန်ရှိသောလမ်းပိုင်းများကိုလည်း ဘဏ္ဍာရေးနှစ်အလိုက် ရန်ပုံငွေ တင်ပြတောင်းခံပြီး ရန်ပုံငွေရရှိမှုအပေါ်မူတည်၍ အကောင်အထည်ဖော် ဆောင်ရွက်ပေးသွားမည်ဖြစ် ပါကြောင်း ပြန်လည်ဖြေကြားပါသည်။